Izan zaitez emakumeen pilotaren aldaketaren parte

EPE Emakume Pilotarien Elkartea da

Euskal Herriko 60 emakume pilotari federatu inguru (Araba, Bizkaia, Gipuzkoa eta Nafarroako klubetan) biltzen dituen erakundea gara, eta palistez eta eskuzko pilotariez osatuta dago. Etorkizunean, zesta eta beste jokamoldeak ere sartzeko asmoa dugu.

19-06-20-Aurkezpena
Elkartea sortu zen eguneko bazkide batzuen argazkia

Zergatik sortu dugu?

Emakume pilotariok kantxetan protagonistak izan arren, espektakulua ematen dugunak baino ez gara, joko hutsean oinarritzen da gure jarduna.

Gehienetan, ez dugu irabazi ekonomikorik jasotzen, nahiz eta txapelketa batzuetan diru-sarrerak egon.

Horrexegatik, emakume pilotariok elkarte hau sortzea erabaki dugu, guk geuk, emakumeon pilota egituratzeko eta emakumeon pilota duinago eta justuago bat sortzeko.

Berdintasunaren bidea bultzatu nahi dugu pilota munduan, jarduera eta egitura profesional batera iristeko helburuarekin.

Azkenak

Gure helburuak

Emakumeon pilota bultzatzea, gestionatzea, erregulatzea eta egituratzea.

Gizartearentzat ikustezin diren jokamoldeak plazaratu eta ezagutarazi, besteak beste, gomazko paleta ezker horman, paleta argentinarra trinketean.

Guk izan nahi dugu emakumeon pilotaren erreferenteak, gu izanik bertako eredu.

Gure balioak

Emakume pilotariok, tradizioz gizonezkoen kirol gisa hartu den honetan, gure lekua hartu nahi dugu

BERDINTASUNA

Berdintasunaren alde borrokatzen dugu. Emakume pilotariak bultzatu eta pilotaren munduan berdintasuna bilatu nahi dugu.

LEHIAKORTASUNA

Badakigu lan handia dagoela aurretik, eta asko borrokatu behar dugula geure helburuak lortzeko, baina horretarako prest gaude.

ALDAKETA

Aldaketa baten bidea hartu nahi duen talde bat gara. Gaur egungo arazoak aztertuz, hezkuntzaren eta etengabeko hobekuntzaren bidez aldaketak lortzeko.

INDARRA

Denak batera, taldean. Talde oso batek egiten duen indarra askoz ere handiagoa da, pertsona bakar batek egiten duena baino.

Bazkide laguntzaile izan nahi?

Zuk ere edozein pilota-modalitatetan emakumeen presentzia areagotzea nahi baduzu, eta oinarriak sendotu behar direla uste baduzu, EPEri laguntzea asko eskertzen dizugu. Izan ere, EPEri laguntzen diozun aldiro emakumezkoen pilotaren alde egiten ari zara, modalitate ezberdinak ikusarazten eta maila guztietako emakume pilotarien baldintzak hobetzen.