Nagore Martin F30 eko estatuko txapelduna

Partidu guztiak irtabazi ditu  Nagore Martinek (ERREKALEOR) kluben arteko estatuko F30 txapelketan. Lan handiko asteburua izan du Nagorek. Ondo lan egiteak ordea, saria eman dio. Bigarrena Maider Ardanaz (AUÑAMENDI). Bi euskaldunak podiumean.

Finala ikusteko HEMEN

Nafarroako mastercupeko palako finalerdiak Etxarrin

Irati Igoa(GURE PILOTA)-Uxue Murillo(OBERENA) 23-25 Amaia Irazustabarrena(HERNANI)-Ariane Arrieta(HERNANI)

Partida 13:30ak jota hasi da. Sekulako beroa kalean. Urdinak beti aurretik joan dira, hainbat berdinketa ondoren, azkenekoa 21era. Gorriak 24-21 aurreratu dira baina urdinak beste bi tantu gehiago lortu dituzte. Azkenean pilotak txost egin ondoren Igoak ezin izan du jo eta partidua aurrera atera dute gorriek.

Saragueta-Ardanaz 17-25 Ane Isasmendi(ERREKALEOR)- Irati Ruiz de Azua (ERREKALEOR).

Gorriak atzetik hasi ba dira ere, azkenean urdinak pilotalekuan ongi kokatu direnean partidua aurrea atera dute.

Estatuko trinketeko txapelketa Errekaleor taldearentzat.

 

Espainiako paleta arjentinarrezko torneoan zortzi taldeek hartu dute parte: ERREKALEOR, MENDILLORRIKO, HERNANI, AUÑAMENDI A, AUÑAMENDI B, SU-BERRI A, SU-BERRI B.

ERREKALEOR1515
HERNANI1308

TXAPELDUNAK: Errekaleor taldeko ANE IBAÑEZ eta NAGORE MARTIN.

BIGARRENAK: Hernani taldeko AMAIA IRAZUSTABARRENA eta ARIANE ARRIETA

Euskal kluben arteko 2021eko sailkapenak

Maiatzaren 22an jokatu ziren Mendizorrotzako pilotalekuetan Euskal Herriko pilota federazioak antolatzen duen txapelketaren finalak. Hiru aste burutan jokatu dira partiduak. Kadete eta Gazte mailetan jardunaldiro finalaurdenak, finalerdiak,finala eta 3. eta 4. postua lortzeko partiduak jokatu dituzte pilotariek.

Paleta Goma NAGUSIAK
TALDEA Sailkapena
SU-BERRI-B(GI) 1.
SU-BERRI-A(GI) 2.
HERNANI(GI) 3.
AUÑAMENDI(NA)
ERREKALEOR A(AR)
ERREKALEOR B(AR)
Paleta Goma KADETEAK
TALDEA Sailkapena
HERNANI A(GI) 1.
MENDILLORRIKO(NA) 2.
LARRAUN(NA) 3.
AUÑAMENDI(NA)
OIZPE A(BI)
OIZPE B(BI)
Paleta Goma JUBENILAK
TALDEA Sailkapena
HORI HORI ELORRIO A(BI) 1.
LARRAUN A(NA) 2.
HERNANI(GI) 3.
AMURRIO (AR)
ELORRIO B(BI)
LARRAUN B(NA)
LEA IBARRA(BI)

III.Bizkaia paleta Txapelketaren Finalak

EITB-n ikusgai: sakatu HEMEN

Txapeldunak: A.Irazustabarrena(CD.HERNANI) eta M.Arrillaga(SU-BERRI)

Bigarrenak: L.Galdos (SU-BERRI) eta M.Mendizabal(SU-BERRI)

3eta 4

Hirugarrenak: N.Martin eta L.Etxaniz(OLARRETA PE)

Laugarrenak: M.Larrarte(SU-BERRI) eta I.Erasun(SU-BERRI)

Bizkaia Torneoko paleta larruzko txapelketaren finalak jokatu ziren igandean, hilaren 2an, Bilboko pilotaleku nagusian. Hirugarren edizioa du txapelketak eta, urtetik urtera, arrakasta eta sona gero eta handiagoa lortzen ari da. Argi geratu da, beste behin, emakumeok frontoian dugun maila, kasu honetan, paletaz. Izan ere, betidanik jokatu izan dute emakumeek erramintaz, raketistak direlarik horren adibide nabarmenena. Gainbehera baten ostea, 90eko hamarkadan Gipuzkoan hasi ziren emakumeen paleta egituratzen, eta pixkanaka-pixkanaka, hamarkadaz hamarkada, sendotasuna, oinarria eta kalitatea irabazi ditu.

Urteetako lan horren emaitzetako bat izan zen igandeko finala. Izan ere, lau pilotarien kalitatea urteetako lanaren ondorio da. Gainera, horietatik beteranoena, Su-Berri klubeko pilotaria den Maider Mendizabal, oinarri hori ezartzen ibili zen 90eko hamarkadan, eta lan haren fruituak kantxan bertan dastatu ahal izan zituen igandean. Mendizabalek Leire Galdos Su-Berri klubeko oiartzuar gaztearekin jokatu zuen. Oinarria eta urteetako aurrerakuntza izan dira Galdosen ibilbidea kalitatez hornitu dutenak, gaztea izanagatik, federazioen eta kluben oinarrizko lanak ekarri baitu gorengo mailaraino. Finala galdu zuten, baina hurrengo finaletan ere ez dira urruti ibiliko.

Irabazleak ere umetatik frontoian ari diren bi pilotari: Amaia Irazustabarrena hernaniarra eta Miriam Arrillaga aginagarra. Biak ala biak Gipuzkoako bi kluben ordezkari (Hernani eta Su-Berri, hurrenez hurren), umetatik izan dute bi klub horien babesa, haietan hazi dira eta urtez urte hazten joan dira.

Finala ez zen uste bezain ona izan. Tentsioa eta final bat jokatzearen presioa tarteko, pilotariak ez zuten beraien mailarik onena eman ahal izan. Hala ere, tanto peloteatuak eta amaiera bikaineko jokaldiak ikusi ahal izan genituen.

Kalitate aldetik partidu hobea izan zen hirugarren eta laugarren postuen arteko lehiakoa. Bertan, Miren Larrarte (Su-Berri kluba) eta Itsaso Erasun (Su-Berri kluba) Nagore Martin eta Leire Etxanizen(Olarreta P.E) aurka lehiatu ziren. Partida luzea, gogorra eta bikaina jokatu zuten lau pilotariek. Etxanizek defentsa ikaragarria erakutsi zuen atzean, eta Erasunek bikain kolpatu zuen pilota atzetik. Aurrelariek beraien kalitatea demostratu ahal izan zuten, eta Larrartek bere ezker zoragarriarekin hainbat pilotakada on bota zituen. Nagore Martin defentsan ibili zen gehiagotan, baina hanka azkar eta indartsuak dituela erakutsi zuen. Azkenean, beteranotasunak irabazi zuen, partida luzeari aurre egiten jakin zutelako. Martin eta Etxaniz izan ziren garaile, baina jokatu zuten partidua ikusita, lau pilotariek merezi zuten irabaztea.

Finalak zein hirugarren eta laugarren postuak jokatu zituzten pilotari gehienak EPE elkarteko kideak dira, eta elkartearentzat harro egoteko moduko arrazoia da. Bakoitzak bere klubaren izenean jokatu zuen, eta bere kluba defendatu zuen. Hala ere, EPEko kide diren aldetik, klub horiek indartzeko eta emakumezkoen paletari indarra ematen jarraitzeko ahaleginean ere badihardute.

DV egunkariatik jasota

Hernaniko Kronika

Larruzko Pilotako III. Bizkaia Paleta Txapelketa

Apirilaren 10ean hasiko da Larrabetzun

Sei bikotek jokatuko dute txapelketa apirilaren 10ean, 17an eta 24an, 17:00etan eta apirilaren 30ean, ostiralean, kasu horretan ere 17:00etan, finala jokatuko da.

EPE ko zortzi pilotari arituko dira bertan: Leire Etxaniz, Leire Galdos, Maider Mendizabal, Olatz Zulaika, Amaia Irazustabarrena, Mirian Arrrillaga, Miren Larrarte eta Itsaso Erasun.

Txapelketa apirilaren 10ean hasiko da Larrabetzuko pilotalekuan 17:00etan, bi partidarekin.

Lehenengo partida Nagore Martinek eta Leire Etxanizek Uxue Agirresarobe eta Maialen Landajoren aurka jokatuko dute eta bigarrena Leire Galdosek eta Maider Mendizabalek Udane Iturbe eta Olatz Zulaikaren aurka.

Apirilaren 17an izango da txapelketako bigarren jardunaldia, 17:00etan, Bizkaia frontoian, bi partidarekin. Lehenengo partida Amaia Irazustabarrenak eta Mirian Arrrillagak Uxue Agirresarobe eta Maialen Landajoren aurka jokatuko dute eta bigarrena, Miren Larrartek eta Itsaso Erasunek Udane Iturbe eta Olatz Zulaikaren aurka.

Gainera, hirugarren jardunaldia apirilaren 24an jokatuko da Bizkaia frontoian, kasu honetan ere 17:00etan eta bi partidarekin. Lehen partida Nagore Martinek eta Leire Etxanizek jokatuko dute Amaia Irazustabarrena eta Mirian Arrrillagaren aurka. Hirugarren jardunaldiko bigarren partida Leire Galdosek eta Maider Mendizabalek Miren Larrarte eta Itsaso Erasunen aurka jokatuko dute.

Finala apirilaren 30ean izango da, 17:00etan, Bizkaia frontoian.

Palencian, estatuko kluben arteko txapelketa F30 ean

Irailaren 3tik 6ra ospatu zen estatuko kluben arteko paleta txapelketa, Palencian. F30 modalitatean jokatu zen, hau da, 30 metroko frontoian paleta argentinarraz. Amaia Irazustabarrena hernaniarrak bere herriko kluba ordezkatuz jokatu du txapelketa hori, eta emaitza onak lortu ditu. Orain arte binaka jokatzen zen modalitate honetan, baina aurten, modalitatea olinpiko bihurtzeko asmoarekin, banaka jokatu dute txapelketa. Berritasun hori eta Covid-19ak eragindako egoera dela eta ganorazko entrenamendurik ezin egiteak lanak zaildu dizkie pilotariei. Egoera kontuan hartuta, beraz, lan txukuna eginda itzuli zen Amaia Irazustabarrena, finalerdietaraino sailkatzea lortu baitzuen.

Palencia
Anne Maiza, Palencian egon zen animuak ematen

Irazustabarrena bezala EPEko kidea den Irati Igoa nafarrak ere parte hartu zuen txapelketan, nahiz eta ez zuen aurrera egiteko aukerarik izan. Dena dela, kontuan hartu behar da estatuko pilotaririk onenak egon direla txapelketan, eta bertan parte hartu ahal izatea ere nahikoa lorpen dela. Hori horrela, EPE ondo ordezkatuta egon da, elkarteko bi pilotarik hartu baitute parte, aldi berean, bakoitzak bere klub propioa ordezkatuz (Irazustabarrena: Hernani; Igoa: Gure Pilota, Etxarri-Aranaz).

Orozkon ,motorrak berotzen hasi dira

Izan ere,  Orozkoko Olgetan klubeko palistek Covid-19agatik bete beharreko protokoloa proban jartzeko,  gaur, irailak 12,  jokatu dira hiru pala partida Orozkoko kiroldegiko frontoian. Gogotsu aritu dira sei bikoteak. Orain arte entrenamendu gutxi izan badituzte ere, lehiatzera itzultzeko prest daudela erakutsi dute.

karteldegia 1.p
2p

Dagokion protokoloa aurrera eramateko oztoporik ez da izan eta palistak hurrengo lehia noiz izan zain daude.