III.Bizkaia paleta Txapelketaren Finalak

EITB-n ikusgai: sakatu HEMEN

Txapeldunak: A.Irazustabarrena(CD.HERNANI) eta M.Arrillaga(SU-BERRI)

Bigarrenak: L.Galdos (SU-BERRI) eta M.Mendizabal(SU-BERRI)

3eta 4

Hirugarrenak: N.Martin(ERREKALEOR) eta L.Etxaniz(OLARRETA PE)

Laugarrenak: M.Larrarte(SU-BERRI) eta I.Erasun(SU-BERRI)

Bizkaia Torneoko paleta larruzko txapelketaren finalak jokatu ziren igandean, hilaren 2an, Bilboko pilotaleku nagusian. Hirugarren edizioa du txapelketak eta, urtetik urtera, arrakasta eta sona gero eta handiagoa lortzen ari da. Argi geratu da, beste behin, emakumeok frontoian dugun maila, kasu honetan, paletaz. Izan ere, betidanik jokatu izan dute emakumeek erramintaz, raketistak direlarik horren adibide nabarmenena. Gainbehera baten ostea, 90eko hamarkadan Gipuzkoan hasi ziren emakumeen paleta egituratzen, eta pixkanaka-pixkanaka, hamarkadaz hamarkada, sendotasuna, oinarria eta kalitatea irabazi ditu.

Urteetako lan horren emaitzetako bat izan zen igandeko finala. Izan ere, lau pilotarien kalitatea urteetako lanaren ondorio da. Gainera, horietatik beteranoena, Su-Berri klubeko pilotaria den Maider Mendizabal, oinarri hori ezartzen ibili zen 90eko hamarkadan, eta lan haren fruituak kantxan bertan dastatu ahal izan zituen igandean. Mendizabalek Leire Galdos Su-Berri klubeko oiartzuar gaztearekin jokatu zuen. Oinarria eta urteetako aurrerakuntza izan dira Galdosen ibilbidea kalitatez hornitu dutenak, gaztea izanagatik, federazioen eta kluben oinarrizko lanak ekarri baitu gorengo mailaraino. Finala galdu zuten, baina hurrengo finaletan ere ez dira urruti ibiliko.

Irabazleak ere umetatik frontoian ari diren bi pilotari: Amaia Irazustabarrena hernaniarra eta Miriam Arrillaga aginagarra. Biak ala biak Gipuzkoako bi kluben ordezkari (Hernani eta Su-Berri, hurrenez hurren), umetatik izan dute bi klub horien babesa, haietan hazi dira eta urtez urte hazten joan dira.

Finala ez zen uste bezain ona izan. Tentsioa eta final bat jokatzearen presioa tarteko, pilotariak ez zuten beraien mailarik onena eman ahal izan. Hala ere, tanto peloteatuak eta amaiera bikaineko jokaldiak ikusi ahal izan genituen.

Kalitate aldetik partidu hobea izan zen hirugarren eta laugarren postuen arteko lehiakoa. Bertan, Miren Larrarte (Su-Berri kluba) eta Itsaso Erasun (Su-Berri kluba) Nagore Martin eta Leire Etxanizen(Olarreta P.E) aurka lehiatu ziren. Partida luzea, gogorra eta bikaina jokatu zuten lau pilotariek. Etxanizek defentsa ikaragarria erakutsi zuen atzean, eta Erasunek bikain kolpatu zuen pilota atzetik. Aurrelariek beraien kalitatea demostratu ahal izan zuten, eta Larrartek bere ezker zoragarriarekin hainbat pilotakada on bota zituen. Nagore Martin defentsan ibili zen gehiagotan, baina hanka azkar eta indartsuak dituela erakutsi zuen. Azkenean, beteranotasunak irabazi zuen, partida luzeari aurre egiten jakin zutelako. Martin eta Etxaniz izan ziren garaile, baina jokatu zuten partidua ikusita, lau pilotariek merezi zuten irabaztea.

Finalak zein hirugarren eta laugarren postuak jokatu zituzten pilotari gehienak EPE elkarteko kideak dira, eta elkartearentzat harro egoteko moduko arrazoia da. Bakoitzak bere klubaren izenean jokatu zuen, eta bere kluba defendatu zuen. Hala ere, EPEko kide diren aldetik, klub horiek indartzeko eta emakumezkoen paletari indarra ematen jarraitzeko ahaleginean ere badihardute.

DV egunkariatik jasota
Hernaniko Kronika

 

Larruzko Pilotako III. Bizkaia Paleta Txapelketa

Apirilaren 10ean hasiko da Larrabetzun

Sei bikotek jokatuko dute txapelketa apirilaren 10ean, 17an eta 24an, 17:00etan eta apirilaren 30ean, ostiralean, kasu horretan ere 17:00etan, finala jokatuko da.

EPE ko zortzi pilotari arituko dira bertan: Leire Etxaniz, Leire Galdos, Maider Mendizabal, Olatz Zulaika, Amaia Irazustabarrena, Mirian Arrrillaga, Miren Larrarte eta Itsaso Erasun.

Txapelketa apirilaren 10ean hasiko da Larrabetzuko pilotalekuan 17:00etan, bi partidarekin.

Lehenengo partida Nagore Martinek eta Leire Etxanizek Uxue Agirresarobe eta Maialen Landajoren aurka jokatuko dute eta bigarrena Leire Galdosek eta Maider Mendizabalek Udane Iturbe eta Olatz Zulaikaren aurka.

Apirilaren 17an izango da txapelketako bigarren jardunaldia, 17:00etan, Bizkaia frontoian, bi partidarekin. Lehenengo partida Amaia Irazustabarrenak eta Mirian Arrrillagak Uxue Agirresarobe eta Maialen Landajoren aurka jokatuko dute eta bigarrena, Miren Larrartek eta Itsaso Erasunek Udane Iturbe eta Olatz Zulaikaren aurka.

Gainera, hirugarren jardunaldia apirilaren 24an jokatuko da Bizkaia frontoian, kasu honetan ere 17:00etan eta bi partidarekin. Lehen partida Nagore Martinek eta Leire Etxanizek jokatuko dute Amaia Irazustabarrena eta Mirian Arrrillagaren aurka. Hirugarren jardunaldiko bigarren partida Leire Galdosek eta Maider Mendizabalek Miren Larrarte eta Itsaso Erasunen aurka jokatuko dute.

Finala apirilaren 30ean izango da, 17:00etan, Bizkaia frontoian.

EPEko pilotariak txapeldunak GMGZ Kinieletan

Larruzko paletaz txapeldunak IRAZUSTABARRENA-ARAIZTEGI

Eskuz txapelduna ETXANIZ

Atzo abenduak 29 Getxon GMGZak antolatuta EPEko 6 pilotarik hartu zuten parte NESKEN I. GABON KINIELAn.

Larruzko pilotaz aritu ziran:

IRAZUSTABARRENA (Hernani)-ARAIZTEGI (Mallabia) 25

ISASMENDI (Gasteiz)MURGA (Amurrio) 10

FLAVIANO (Larrabetzu)-MENDIZABAL (Anoeta) 17

Eskuz:

ETXANIZ (Etxebarria) 22

ARRIZABALAGA (Munitibar) 20

ALDAI (Arratia) 08

EPEko pilotariak emakumezkoen torneo esanguratsuetan oso errendimendu onarekin

2019-20 denboraldi hasiera honetan, neska pilotariak mutilen antzera beraien probintzietako txapelketak jokatzen ari dira; hala nola elkarteen arteko Gipuzkoako, Arabako, Bizkaiako edota Nafarroako txapelketak, paletaz zein eskuz (egiten den probintzian). Txapelketa guzti hauetan EPEko pilotarien presentzia nabaria izaten ari da eta azken faseetara asko iritsi dira.

Lehiaketa hauetaz gain, beste torneo pribatu batzuk ere antolatzen dira neskentzat, bai eskuz eta bai palaz. Hauen artean esanguratsuenak direnetan EPEko pilotarien joko maila ona aipagarria izaten ari da.

Pasa den astelehenean aurkeztu zen Andrazkoen Larruzko Paletako II. Bizkaia Torneoa Bilbon. Guztira, maila altuenetakoa duten 8 pilotarik parte hartuko dute, lau bikotez osaturiko multzo bakar batean. Joaneko ligaxka baten ondoren, lehenengo bi sailkatuak finala jokatuko dute. Aipatu, 8 pilotari hauek EPEko kideak direla eta Euskal Erkidegoko probintzietakoak. Paleta larruz jokatzea ez da oso ohikoa nesketan baina Arabako neska federatuei ematen diete jokamolde honetan mutilekin aritzeko aukera. Bizkaian berriz saioren bat egin izan dute batzuk eta Gipuzkoan berriz zuzenean gomazko paletarekin ondoen aritzen diren pilotariak hartu dira eta jokamolde hau praktikatzen hasi dira. Ondorioz, neskak larruzko paletan oraindik beraien mailarik onenera iritsi ez diren arren, dagoeneko oso ondo moldatzen ari dira eta Bizkaia Torneoan ikuskizun polita ematea espero da. EPEko pilotari hauen nahia hauxe da, jokamolde berrira ahalik eta ondoen moldatu eta espektakulu polit zein ezberdina emanez partida onak egitea. Torneo hau abenduaren 13, 20, 27 eta urtarrilaren 4an jokatuko da. Lehenengo jardunaldia Larrabetzun eta beste guztiak Bizkaia frontoian. Finala ETB-k eskainiko du zuzenean.

Eta bestetik, egun bisibilidade eta garrantzia mediatiko gehien duen Master Cup txapelketaren inguruan esan, aurtengoan 4 maila ezberdindu direla eta igande honetan bi maila nagusienetako finalak jokatuko direla Barakaldon, eguerdiko 12:00etan (ETB1-ean zuzenean). Emakume Pilotarien Elkartetik oso oso pozik gaude bi finaletako protagonistak EPEko kideak direlako. Honek argi uzten du besteak beste zein mailatako pilotariak ditugun gure elkartearen barnean.

Alde batetik, toke erdiko finalean elkarte berdinekoak (Anoetako Su-Berri elkartea) diren bi pilotari arituko da nor baino nor: Miren Larrarte bidaniarra eta Miriam Arrillaga zubietarra.

Eta 1. mailako final handian partida handia ikusteko aukera izango da, izan ere oso oso maila oneko bi pilotari arituko baitira elkarren aurka. Bata zein bestea 4 1/2ko txapeldunak izan dira aurreko edizioetan. Leire Etxanizek 2017koa irabazi zuen eta Patri Espinarrek berriz 2018koa. Aurrez aurre bi bizkaitar, bata Etxabarrikoa (Leire) eta bestea Usansolokoa (Patri, nahiz eta honek urteak daramatzan

Gipuzkoan bizitzen). Leire eta Patri gaur egun eskuz jokatzen duten pilotarien artetik onenak direla esango genuke. Nahiz eta bi hauek txapelketa pilota

goxoarekin jokatu duten, toke erdikoarekin jokatzeko ez lukete arazo handiegirik izango. Eskuak egin, entrenatu eta ziur punta puntako pilotariak izango liratekeela toke erdiko pilotarekin ere.

Emakumezkoen eskuzko final handi honetan ikuskizuna ziurtatua dago hasiera batean eta espero dugu ikusleek disfrutatzea, pilotariek euren maila ematea eta emakumezkoen pilotak gizarte honetan lekutxo bat baduela erakustea.

 

Larruzko pilotako II.Bizkaia Torneoa

Lau bikotez osatutako txapelketa izango da. Finala EITBn emango da. Abenduaren 13an hasi eta Urtarrilaren 4ean amaituko da.

Partaideak, guztiak EPEko pilotariak:

Leire Galdos(GI)-Leire Etxaniz(BI)

Ane Isasmendi(AR)-Laura Saez(AR)

Amaia Irazustabarrena(GI)-Amaia Araiztegi(BI)

Anne Maiza(GI)-Maider Mendizabal(GI)

bizkaia.eus ean irakurri daiteke gazteleraz.

 

 

Donostia Hiriako finalak Atanon

San Roke egunean jokatu ziran Donostia Hiria, Master InfromazioKirol Txartela, txapelketako finalak paleta larruz. Hiru partidu jokatu ziran, mutil jubenilak, neska nagusiak eta mutil nagusiak. Gloria Agirre, “Txikita de Aizarna” raketista profesionala izandakoak banatu zituen sariak. Bestalde, palari bultzada ematen aritzen diren hamar laguni oroigarri bana eskeini zieten pala inguruan egindako lana eskertzeko.

Lau neskak EPEko partaideak dira.

Irazustabarrena-Erasun 3–2 Galdos-Huizi

 

Argazki gehiago HEMEN

Informazio gehiago HEMEN irakurri daiteke

Partidua EITBk eskeini zuen